నా కవితలు

నీ పెదవుల చిరునవ్వుని..కలకాలం ఉండనివ్వనీ
నా మనసున నీ రూపుని..చిరకాలం నిలిచిపొమ్మనీ!!
---------------------------------------------------

నిను చూడని ఒక్క క్షణం కను రెప్పలు కలవరించనే

నిను తలువని ప్రతి నిముషం యెదలయలే గతిని తప్పెనే.

-----------------------------------------------------------

దయరాదా దాసుడిపై ఇకనైనా ఓ మనసా

వినరాదా విన్నపమే ఇపుడైనా ఓ మనసా!

తప్పేదో జరిగుందని నే తలవంచాను కదా

ఆ నేరాలను మన్నించి నను చేరుకోరాదా!!

----------------------------------

వలపన్నది వరమని ఇపుడేగా తెలిసింది

వగపన్నది విషమని ఈ దూరమే తెలిపింది

నిను పిలువని పెదవులకే పదములు రాకున్నవి

నిను తలువని కన్నులకే ఊహలు కరువైనవి !!

------------------------------------------------------

మనసా ప్రేమంటే తెలుసుకో..

జీవితాన్ని అందంగా మలుచుకో..

మదిలోని భావాలని అర్ధంచేసుకో..

కు నచ్చిన వారి హృదయాన నిలిచిపో..

నీ మది మెచ్చిన వారి ప్రేమను...

ఎప్పటికైనా అందుకో.

-------------------------------

ఎన్నో రోజుల మౌనమది - ఒక్కసారి వీడినది,

ఎమిటో తెలియని బందమది - సాయం కోరినది,

కాదనలేని నా మది - సరె రమ్మన్నది,

జీవం లేని ప్రేమ అది - నన్ను మోసం చేసినది.

------------------------------------------------------------

నీ రాకలోని ఆనందం...

నా కన్నుల వెలుగై నిను చేరటం లేదా,

నీ నిష్క్రమణలోని ఉదాసీనం..

చిమ్మ చీకటై నిను ఆపటం లేదా,

నా ఆనందం నా పెదవులపై..

చిరునవ్వుతో తెలియటం లేదా,

నా ఈ ఉదాసీనం..చెమ్మ గిల్లిన..

నా కన్నులు చెప్పటం లేదా.

----------------------------------