నీకు - నేను

నీవు తలచుకుంటే..నీ జ్ఞాపకాన్ని నేను.

నీవు మలచుకుంటే..నీ రూపాన్ని నేను.

నీవు ఆలపించుకుంటే..నీ రాగాన్నీ నేను.

నీవు రాసుకుంటే..నీ భావాన్ని నేను.

నీవు నవ్వుకుంటే..నీ హాసాన్ని నేను.

వు ఇమ్మంటే..నీ ప్రాణాన్ని నేను.

నీవు మరిచిపొతే..నీ గతాన్ని నేను

ప్రేమ కోసం

నన్ను ప్రేమించమని నిన్ను వేధించలేను..

ప్రేమ విలువ తెలిసినదాణ్ణి కాబట్టి!!

నీ ప్రేమను వేడుకోనూ లేనూ..

ఆత్మాభిమానం మెండు కాబట్టి!!

అలా అని వదులుకోనూ లేను..

ఆకర్షణ ముంగిట్లో నిలిచాను కాబట్టి!!

నీ మనసును గెలవడానికి..వేచిఉండటం

తప్ప ఏమి చేయలేని నిస్సహాయురాలిని...

లబ్..డబ్..

ఓ..ప్రియతమా..నా ఆరోప్రాణమా,

పారిజాత పుష్పమా, పాలరాతి శిల్పమా..

తెలుపుమా..నీ చిరునామా.

--------------------------------------------

నీవు లేని ఈ ఒంటరితనంలో..

ప్రతీ నిమిషం నీ జ్ఞాపకాలే.

----------------------------------------------

జలపాతల మధ్య నేనున్నా..

నా తోడు నువ్వు లేకుంటే..

ఎడారైపోదా నా జీవితం.

---------------------------------------------

ఎన్ని జన్మలదో ఈ బంధం..

నిన్ను వీడనంటుందీ ప్రాణం.

----------------------------------------------

ఎప్పుడో ఒకసారి నువ్వు

నా దగ్గరికి వస్తావు క్షమించమని..

నీకలాంటీ బాధ కలిగినా..

వేదన చెందుతాను.

నిన్ను అంతగా ప్రేమిస్తున్నను మరి.

========================

లబ్.. డబ్..

ప్రతీ క్షణం నీకు దురమవుతున్నానని అనుకున్నా..

కానీ నీ ఆలోచనలతో నీకు మరింత చెరువవుతున్నా.

దూరమన్నది లేనేలేదు మనసుకు అంతా చేరువే..
ఉన్న చోటు వేరైనా నా మనసెప్పుడు నీ దగ్గరే.

నేస్తమా అని పలకరించే హృదయం నీకుంటే..

నీ నేస్తానికి చిరకాలం నే తోడుంటా.

గతం

స్పృశించకు నా గతాన్నీ-నీ జ్ఞపకం అవుతుంది.

పలకరించకు నా మౌనాన్నీ-నీ పేరు పలుకుతుంది.

కదిలించకు నా కలలను-కన్నీరు ఒలుకుతుంది.

నా మనసు

నిను చూడని ఒక్క క్షణం...

కను రెప్పలు కలవరించనే.

నిను తలువని ప్రతి నిముషం...

ఎద లయలే గతినితప్పెనే.

నువు చేసిన బాసలతో....

చేజారిన కలలెన్నో.

నీ తీపి గురుతులతో....

ఎద నిండా అలలెన్నో.

చిరు గుండెల చప్పుడులో....

వినిపించనీ ఈ హోరు.

కనిపించని శత్రువుతో....

కడదాక నా పోరు.

పోనీ చెప్పు..

నీ కంటికి కోపమైతే చెప్పు...

కరిగి రెణువునవుతాను.

నీ పెదవికి మోహమైతే చెప్పు...

తిరిగి వెణువునవుతాను.

నీ మనసుకు భారమైతే చెప్పు...

దూరమవుతాను.

స్నేహం

పొంగిపొర్లుతున్న ఆలోచనను అక్షరాలతో

కట్టిపడేస్తే...అది కవిత !

ఊహకు రంగులు జోడిస్తే...అది చిత్రం !

శిలను చిత్రిక పడితే...అది శిల్పం !

స్నేహానికి ప్రాణం పోస్తే...అది నువ్వు !!

Take it......

బాద పడినంత మాత్రాన..

బరువు దిగినట్లు కాదు.

కల ఆగినంత మాత్రాన..

తెలవారినట్లు కాదు.

విజయం దక్కనంత మాత్రాన..

జీవితం ముగిసినట్లు కాదు.

నీ కోసం

నిన్ను ప్రేమిస్తున్నప్పుడు కలలే నా లోకం,

నువ్వు కాదన్నకే తెలిసిందీ ఈ లోకం.

నీ కోసమే నా ఆశ,ఆలాపన,అన్వేషన,ఆలోచన....
నిరంతరం నీ కోసమే..

నువ్వు కరుణిస్తే పూదోటను,

కాదంటే కన్నీటి పాటను.